Հոլտեր հետազոտություն- իրենից ներկայացնում է երկարատև ԷՍԳ հետազոտություն, նորմալ ակտիվության հիվանդների մոտ, մեկ օրվա ընթացքում:Այն ոչ ինվազիվ մեթոդ է, որը հնարավորություն է տալիս գրանցել առիթմիաներi հաճախականությունը և բարդությունը, առիթմիաների համապատասխանեցումը գանգատների հետ, ինչպես նաև գնահատել հակաառիթմիկ դեղորայքի ազդեցություն սպոնտան առիթմիայի վրա: Բացի այդ հնարավոր է գրանցել QRS, ST և  T ատամիկի փոփոխությունները: ԷՍԳ-ի երկարատև գրանցումը թույլ է տալիս հայտնաբերել բարդ առիթմիաները  և փորոքային էկտոպիաները:

Էխո-ՍԳ- ՈՒլտրաձայնային  մեթոդ է, ուղղված է հայտնաբերելու սրտի  և փականային ապարատի մորֆոլոգիական և ֆունկցիոնալ փոփոխությունները: Էխո-ՍԳ ժամանակ օգտագործում են բարձր հաճախականության ձայնային ալիքներ (2-2.5ՄՀց): Հիմքում ընկած է սրտի  կողմից ուլտրաձայնային ազդանշաննրի անրադարձման ընկալում: Տվյալ մեթոդը հնարավորություն է տալիս գնահատել փափուկ հյուսվածքների վիճակը, սրտի պատերի հաստությունը, փականային ապարատի վիճակը, սրտամկանի կծկողականությունը, արյան հոսքի արագությունը:

Ֆունկցիոնալ ծանրաբեռնվածության տեստ (Տրեդմիլ տեստ)- Կիրառվում  է հիմնականում  հայտնաբերելու թաքնված կորոնար անբավարարությունը և ֆիզիկական ծանրաբեռնվածության նկատմամբ տոլեռանտությունը: Ծանրաբեռնվածությունը նույնանման ազդեցություն ունի սիրտ-անոթային և շնչառական համակարգի վրա: Առաջացնում է տախիկարդիա, հետևաբար միոկարդի թթվածնի նկատմամբ պահանջի մեծացում: Առողջ մարդկանց մոտ առաջանում է կորոնար անոթների լայնացում: Սրտի իշեմիկ հիվանդությունով հիվանդների մոտ մեծանում է թթվածնի նկատմամբ պահանջը, որը բերում է կորոնար անբավարարության, ուղեկցվելով ստենոկարդիայի նոպայով և ԷՍԳ փոփոխություններով: Տրեդմիլ տեստը իրենից ներկայացնում է շարժվող  մարզասարք,  որը կարող է փոխել անկյունը և արագությունը: Արագությունը և անկյունը կառավարվում է համապատասխան  ծանրաբեռնվածության  ուժգնության և ուղեցույցի: Հիվանդը քայլում կամ վազում է: Ընթացքում կատարվում է ԷՍԳ, ՍԿՀ և  ԶՃ  վերահսկողություն:

ԷՍԳ- սրտի բիոպոտենցիալները ուսումնասիրող մեթոդ է, որը օշտված է բարձր տեղեկատվությամբ: ԷՍԳ-ն կիրառվում է հիմնականում սրտամկանի  ինֆարկտի ախտորաշման, ինչպես նաև հիպերտրո- ֆիաների, սրտի ռիթմի և հաղորդականության  խանգարումների, պսակային  անբավարարության ժամանակ: