• Մեր մասին
  • Ընդհանուր տեղեկատվություն
  • Վարչակազմակերպչական կառուցվածք
  • Գիտական գործունեություն
  • Գործընկեր, ապահովագրական ընկերություններ
• Մագնիսա-ռեզոնանսային տոմոգրաֆիա
  • Գլխուղեղի ՄՌՏ
  • Հոդերի և վերջույթների համապարփակ ՄՌՏ
  • Մագնիսառեզոնանսային տոմոգրաֆիա (ՄՌՏ) (իրազեկման թերթիկ)
  • Փափուկ հյուսվածքների և պարանոցի օրգանների ՄՌՏ
  • Գնացուցակ
• Համակարգչային տոմոգրաֆիա
  • Համակարգչային տոմոգրաֆիա (իրազեկման թերթիկ)
  • Գնացուցակ
• ՈւՁՀ և դուպլեքսային սքանավորում
  • Թքագեղձերի ուլտրաձայնային հետազոտություն
  • Ավշային հանգույցների ուլտրաձայնային հետազոտություն
  • Ստորին վերջույթների զարկերակների և երակների դուպլեքս հետազոտություն
  • Գլխի էքստրակրանիալ մագիստրալ անոթների դուպլեքս հետազոտություն
  • Աորտայի և ենթազստային զարկերակների դուպլեքս հետազոտություն
  • Գնացուցակ
• Սրտաբանական ծառայություն
  • Էխո-ՍԳ
  • ԷՍԳ
  • Հոլտեր հետազոտություն
  • Ֆունկցիոնալ ծանրաբեռնվածության տեստ (Տրեդմիլ տեստ)
• Ամրագրում և ուղեգրում
  • Անհատ հետազոտվողներ
  • Ուղեգրող բժիշկներ
  • Ապահովագրական ընկերություններ

Կարո՞ղ է արդյոք LiverMultiScan Perspectum ախտորոշումը փոխարինել լյարդի ցավոտ և թանկարժեք բիոփսիային

2016-04-19

Լյարդի ախտահարումներով հիվանդները, որպես կանոն, պետք է անցնեն պունկցիոն բիոփսիա, որը ցավոտ է և ծառայությունը` թանկարժեք, սակայն ՄՌ կողմից կիրառվող ոչ միջամտական եղանակը կարող է փոխարինել այն:

Եվրոպայում և Մեծ Բրիտանիայում կլինիկաների կոնսորցիումին տրամադրվել է բազմամիլիոնանոց դրամաշնորհ՝ բիոփսիայի փոխարեն LiverMultiScan Perspectum հետազոտությունը կիրառելու նպատակով:

Deutsches Arzteblatt International-ում հրապարակված հետազոտության համաձայն՝  լյարդի ոչ ալկոհոլային ճարպային հիվանդությունը դարձել է լյարդի քրոնիկական  հիվանդությունների առավել հաճախ հանդիպող պատճառը: Ճարպակալումը լյարդի ոչ ալկոհոլային ճարպային հիվանդությանը նպաստող հիմնական գործոններից է, և Առողջապահության համաշխարհային կազմակերպության կողմից կանխատեսվել էր, որ 2015 թվականին աշխարհում ճարպակալմամբ տառապող մարդկանց թիվը կաճի մինչև 700 միլիոն:

Պատկերների ստեղծման համար նախատեսված LiverMultiScan սարքը FDA-ի կողմից հավանության է արժանացել 2015 թվականի նոյեմբերին և լյարդի հետազոտության նպատակով պաշտոնապես թողարկվել է 2015 թ. Ամերիկյան ասոցիացիայի կողմից:

Սարքը հետազոտության նպատակով առաջին անգամ ներկայացվել է 2014 թ. Եվրոպայում և ԱՄՆ-ում. և ներկայում այն կիրառվում է երեք աշխարհամասերի առաջատար բժշկական կենտրոններում:

Սարքը գործառում է մագնիսառեզոնանսային հետազոտության քանակական եղանակները, ինչպես քաղցկեղի դեպքում, այնպես էլ սրտի վիզուալիզացիայի ժամանակ: 15 րոպե տևող մագնիսառեզոնանսային հետազոտությունից հետո այն ստեղծում է ամբողջ լյարդի մանրամասն քարտեզը: Այպիսով, բժիշկները կարող են ճշգրիտ որոշել հիվանդության օջախները:

Սարքը վերլուծությունն իրականացնում է լյարդի հյուսվածքի հիմնական հատկությունների գնահատման, լյարդային ճարպի ճշգրիտ չափման և այլ ցուցանիշների հիման վրա՝ առանց լրացուցիչ ախտորոշիչ տեխնոլոգիաների կամ կոնտրաստ նյութերի անհրաժեշտության: LiverMultiScan-ի օգնությամբ մեկ ժամվա ընթացքում կարող է հետազոտվել վեց պացիենտ՝ ճշգրտության  95-97% հավանականությամբ:

Որպես փորձարկում Գերմանիայի, Հոլանդիայի և Պորտուգալիայի տարբեր բժշկական կենտրոններում կընտրվեն 2000 պացիենտներ: Նրանք կամայականորեն կբաժանվեն երկու խմբի. հիվանդության առկայության և դրա ծանրության  աստիճանի որոշման նպատակով մի խմբին կիրականացվի բիոփսիա, իսկ մյուս խումբը կհետազոտվի LiverMultiScan սարքի միջոցով: Այնուհետև կհամեմատվեն երկու խմբերի պացիենտների վրա կատարված ծախսերի արդյունավետությունն ու արդյունքները: Իրապես հնարավոր է ո՛չ միայն էականորեն տնտեսել, այլ նաև կրճատել սթրեսային ու ցավոտ միջամտության ենթարկվող պացիենտների քանակը:

ԼՈՒՐԵՐ