| ՀՀ, Երևան, 0014 | +374 10 20 30 91 |
| Պ.Սևակի 5/7 | +374 10 20 30 92 |
| +374 10 54 45 17 |
ՄՌՏ. ինչպես ստանալ ամենակարևոր նկարը
2016-07-15
Բուժման հաջողությունն առաջին հերթին պայմանավորված է ճիշտ ախտորոշմամբ: Հետազոտության ամենաարդյունավետ եղանակներից մեկն այսօր մագնիսառեզոնանսային տոմոգրաֆիան է (ՄՌՏ):
Ցավի առաջացման դեպքում երբեմն չի հաջողվում պարզել նրա պատճառը: Որպեսզի ամեն ինչ հերթականությամբ չբուժել, անհրաժեշտ է ճշգրիտ հետազոտություն իրականացնել: ՄՌՏ-ն հնարավորություն է տալիս կարճ ժամանակում հայտնաբերել ախտաբանությունների մեծ սպեկտր, որոնք կարող են առաջանալ ուռուցքային հիվանդությունների, վնասվածքների կամ բնածին արատների հետևանքով: Ստացված արդյունքները հնարավորություն են տալիս արդյունավետ բուժօգնություն ցուցաբերել հիվանդին:
Կարելի է ՄՌՏ ախտորոշում իրականացնել հաճախակի կրկնվող գլխացավերի դեպքում: Այս հետազոտությամբ կարելի է հայտնաբերել գլխուղեղի աշխատանքի նույնիսկ ամենափոքր շեղումները: Վնասվածքները, հայմորիտները, օտիտները հաճախ առանց հետևանքի չեն անցնում, և շեղումների ժամանակին հայտնաբերումը առողջության արդյունավետ վերականգնման ուղի է:
Երբեմն մարդիկ հրաժարվում են այս հետազոտությունից՝ համարելով, որ այն անվտանգ չէ: Դա մոլորություն է:
Տոմոգրաֆի ազդեցությունը կարելի է համեմատել միկրոալիքային վառարանի կամ բջջային հեռախոսի ազդեցության հետ:
Չնայած ՄՌՏ-ն առողջության համար ռիսկային չէ, այնուամենայնիվ, սահմանափակումներ գոյություն ունեն: Օրինակ, հետազոտության այս տեսակը խորհուրդ չի տրվում իրականացնել հղի կանանց, օրգանիզմում օտար մարմինների առկայության դեպքում, ինչպես նաև 120 կգ-ից ավելի քաշ ունեցող մարդկանց: