| ՀՀ, Երևան, 0014 | +374 10 20 30 91 |
| Պ.Սևակի 5/7 | +374 10 20 30 92 |
| +374 10 54 45 17 |
Ժամանակակից ախտորոշում. ներքին օրգանների համակարգչային տոմոգրաֆիա
2016-10-07
Հետազոտության և բուժման ժամանակակից եղանակներն այնքան են տարբերվում նախկիններից, որ այլևս ենթակա չեն որևէ համեմատության...: Բժշկությունը` խորացված և գերժամանակակից ախտորոշման շնորհիվ, կարողանում է ճանաչել ծանրագույն, նախկինում բուժման չենթարկվող հիվանդությունները՝ նրանց ամենաաննշան դրսևորումների դեպքում: Համակարգչային տեխնոլոգիաների շնորհիվ բժիշկները սովորեցին գաղտնազերծել մարդկային մարմնի և նրա ներքին օրգանների ամենափակ անկյունները: Առանց մանրակրկիտ հետազոտության ոչ մի տարածված և սովորական թվացող բուժում չի նշանակվում՝ առաջնային փուլում ավելի ծանր հիվանդության զարգացումը կանխելու նպատակով:
Բոլոր ներքին օրգանների ամենահայտնի, հասանելի և արդյունավետ հետազոտությունը համակարգչային տոմոգրաֆիան է: Այս հեղափոխական մեթոդն առաջացրեց առաջադիմական հեղաշրջում ամբողջ բժշկության մեջ: Հնարավոր դարձավ տեսնել և տարբերել մարդու օրգանների ամենափոքր անատոմիական կառուցվածքները և ստանալ հետազոտվող օրգանների բազմաշերտ պատկերներ ցանկացած ռակուրսով: Համակարգչային տոմոգրաֆի տեխնիկական հնարավորությունների շնորհիվ ախտորոշման մասնագետները սովորեցին վերարտադրել մարդկային օրգանի ներքին կառուցվածքը եռաչափ ծավալային պատկերմամբ:
Ժամանակակից համակարգչային հետազոտությունները հսկայական օգնություն են ցուցաբերում գլխուղեղի բազմաթիվ հիվանդությունների, ողնաշարի շեղումների և արատների ախտորոշման դեպքում, ինչպես նաև սրտի և այլ օրգանների անկանոն աշխատանքի պատճառների հայտնաբերման ժամանակ: Իրականացնելով համակարգչային տոմոգրաֆիա՝ յուրաքանչյուր պացիենտ կարող է համոզված լինել ամենաաննշան ախտաբանության հայտնաբերման և անհետաձգելի բուժման նշանակման մեջ: