| ՀՀ, Երևան, 0014 | +374 10 20 30 91 |
| Պ.Սևակի 5/7 | +374 10 20 30 92 |
| +374 10 54 45 17 |
Ծնոտի ՄՌՏ
2016-10-17
ՄՌՏ-ն ախտորոշիչ եղանակ է՝ հիմնված մարդու հյուսվածքների վրա էլեկտրամագնիսական դաշտի ազդեցությամբ: Այս հետազոտությունը հնարավորություն է տալիս հայտնաբերել փափուկ հյուսվածքների, հոդերի աճառային մակերեսների ախտաբանությունները, հոդային սկավառակի դիրքի փոփոխությունները:
ՄՌՏ-ի ազդեցության սկզբունքները
Սարքի կողմից ստեղծված էլեկտրամագնիսական դաշտը ստիպում է մարդու հյուսվածքների ջրածնի ատոմներին գտնվել ռեզոնանսի մեջ: Տարբեր հյուսվածքներ պարունակում են տարբեր քանակությամբ ջրածին, հետևապես արձագանքը ևս տարբեր է լինում: Տատանումները որսվում են տոմոգրաֆի կողմից, մշակվում և համակարգչի մոնիտորի վրա ձևավորվում է հետազոտվող օրգանի ծավալային պատկերը:
Անհրաժեշտության դեպքում՝ ախտահարված շրջանի պատկերի բարելավման նպատակով, իրականացվում է կոնտրաստ նյութի ներերակային ներմուծում:
ՄՌՏ նշանակման ցուցումները
Ծնոտի ՄՌՏ-ն կիրառվում է ստոմատոլոգների, դիմածնոտային և պլաստիկ վիրաբույժների, վնասվածքաբանների, ուռուցքաբանների կողմից:
Ստորին ծնոտի ՄՌՏ նշանակվում է բերանը բացելու և փակելու ժամանակ ցավի կամ կողմնակի ձայների (կտկտոց, ճռճռոց) առկայության դեպքում, ծնոտային հոդի շարժունակության խանգարման, ուռուցքային գործընթացի կասկածի, վնասվածքների դեպքում: Վիրահատական բուժման անհրաժեշտության դեպքում այս մեթոդը հնարավորություն է տալիս ուսումնասիրել ախտաբանական գործընթացի մեջ շրջակա հյուսվածքների ներգրավվածությունը՝ վիրահատական բուժման ծավալը որոշելու նպատակով:
Վերին ծնոտի ՄՌՏ իրականացնում են պարանոցի, դիմածնոտային շրջանի ցավերի, վնասվածքների, բորբոքային ախտահարումների դեպքում :
ՄՌՏ-ի իրականացման հակացուցումները
ՄՌՏ-ն ամենաանվտանգ ախտորոշիչ մեթոդն է, որի ժամանակ իոնիզացնող ճառագայթում չի կիրառվում: Մարդկային օրգանիզմի վրա էլեկտրամագնիսական դաշտի կողմից բացասական ազդեցություն չի հայտնաբերվել: Այս եղանակը հակացուցված է, եթե հիվանդի մարմնում կա արհեստական կառուցվածք, որն ունակ է մագնիսանալու: Օրինակ` սրտի ռիթմը վարող սարք, ոսկրերի պրոթեզ:
Ինչպե՞ս է իրականացվում հետազոտությունը
Հիվանդը տեղակայվում է հատուկ մահճակալի վրա, որը մտնում է տոմոգրաֆի պարկուճի մեջ: Հետազոտությունը տևում է 20-30 րոպե: Այդ ամբողջ ընթացքում տոմոգրաֆի ներսում չի կարելի շարժվել: Կոնտրաստի անհրաժեշտության դեպքում հետազոտության տևողությունը մոտավորապես մեկ ժամ է կազմում:
Հետազոտությունից անմիջապես հետո կարելի է վերադառնալ առօրյա կյանքին: