| ՀՀ, Երևան, 0014 | +374 10 20 30 91 |
| Պ.Սևակի 5/7 | +374 10 20 30 92 |
| +374 10 54 45 17 |
Գլու՞խն է ցավում, ստուգեք անոթները
2017-05-06
Այն հիվանդներին, որոնց հաճախ են անհանգստացնում գլխացավերը, հիշողության վատթարացումը, վարիկոզի նշանները, բժիշկը կարող է գերձայնային դոպլերոգրաֆիա նշանակել: Թե ինչ ցույց կտա այդ հետազոտությունը և ինչպես է այն տեղի ունենում, պատմում են բազմապրոֆիլ բժշկական կենտրոնների ԳՁ-ախտորոշման բժիշկները:
– Ինչի՞ համար է կիրառվում գերձայնային դոպլերոգրաֆիան:
– Գերձայնային դոպլերոգրաֆիան հանդիսանում է հետազոտության արդյունավետ մեթոդ, որը տեղեկատվություն է տալիս արյունատար համակարգի երակների և զարկերակների վիճակի, անատոմիական առանձնահատկությունների և անցանելիության մասին: Ժամանակին իրականացված անոթների հետազոտումը թույլ է տալիս հայտնաբերել արյան շրջանառաության խանգարման նախատրամադրող գործոնները:
Գլխի և պարանոցի դոպլերոգրաֆիան հնարավորություն է տալիս հայտնաբերել ուղեղի արյան շրջանառության սուր և քրոնիկական խանգարումների նկատմամբ նախատրամադրվածությունը, կազմել բուժման կամ կանխարգելիչ միջոցառումների պլանը:
– Ո՞ր հիվանդությունների ժամանակ արժե գերձայնային դոպլերոգրաֆիա իրականացնել:
– Գլխի և պարանոցի դոպլերոգրաֆիայի իրականացման ցուցումներից է առաջին հերթին ախտաբանության առկայությունը՝ հիպերտոնիկ հիվանդությունը, շաքարային դիաբետը, աթերոսկլերոտիկ գործընթացը, ինչպես նաև քառասուն տարեկանից բարձր տարիքը, որում տվյալ ախտաբանություններն առավել հաճախ են հանդիպում: Գլխացավերն ու գլխում ծանրության զգացումը, գլխապտույտը, քայլքի ժամանակ անկայունությունը նույնպես կարող են ախտորոշման տվյալ եղանակի իրականացման առիթ հանդիսանալ:
Կցանկանայինք դիմել բոլոր ընթերցողներին. մշտական գլխացավերը կարող են առաջանալ անոթային խանգարումների հետևանքով: Մի հետաձգեք բժշկին դիմելը, եթե դրանով տառապում եք Դուք կամ Ձեր հարազատը: Գլխի և պարանոցի անոթների ժամանակին իրականացված ԳՁ դոպլերոգրաֆիան կարող է պարզել գլխացավերի պատճառը և կանխել հաշմանդամության բերող անոթների հիվանդությունների զարգացումը:
– Ինչի՞ մասին կվկայեն գլխի և պարանոցի ուլտրաձայնային դոպլերոգրաֆիայի արդյունքները:
– Ստացված արդյունքները տրվում են հիվանդին՝ բժշկի եզրակացությամբ, խորհուրդներով կամ նեղ մասնագետին ուղեգրմամբ (նյարդաբան, սրտաբան, երակաբան, ուռուցքաբան), որն էլ կկատարի վերջնական ախտորոշում և բուժում կնշանակի:
ԳՁ դոպլերոգրաֆիայի արդյունքներից նեղ մասնագետը կարող է տեղեկանալ.
- արյան հոսքի արագության քանակական ցուցանիշների մասին,
- զարկերակների նեղացման առկայության և քանակի, ինչպես նաև նրանց վտանգավորության մասին,
- գլխի և պարանոցի անոթներում թրոմբների և աթերոսկլերոտիկ վահանիկների մասին,
- ներգանգային ճնշման բարձրացման, անգիոսպազմների մասին ,
- անոթներում անևրիզմաների առկայության մասին:
– Ո՞րն է տվյալ մեթոդի առավելությունը:
– Գլխի և պարանոցի գերձայնային դոպլերոգրաֆիան բավական տեղեկատվական է և կարող է կիրառվել որպես ինքնուրույն հետազոտություն կամ ծառայել որպես լրացում ՄՌՏ-ին կամ էլեկտրաէնցեֆալոգրաֆիային (ԷԷԳ):
Մեր բժշկական կենտրոնները հագեցած են ունիվերսալ, հզոր և տեխնոլոգիական գերձայնային սքաներներով, որոնք ապահովում են պատկերի բարձր որակ և տվյալների մշակման ընդլայնված հնարավորություններ:
Գլխի և պարանոցի ԳՁ դոպլերոգրաֆիան կարելի է իրականացնել ինչպես բժշկի ուղեգրով, այնպես էլ առանց դրա: