| ՀՀ, Երևան, 0014 | +374 10 20 30 91 |
| Պ.Սևակի 5/7 | +374 10 20 30 92 |
| +374 10 54 45 17 |
Սրտի ուլտրաձայնային hետազոտություն
2015-06-16
Սրտի ուլտրաձայնային հետազոտությունը մեթոդ է, որն ուսումնասիրում է սիրտը, հիմնվելով մարմնի հյուսվածքների կողմից ուլտրաձայնային ալիքների օգտագործման վրա: Ձայնային ալիքների բարձր հաճախականությունները (վայրկյանում ավելի քան 20.000 տատանումներ) լսելի չեն մարդկային ականջի համար: Ձայնային տատանումներն ուղղվում են մարմնին, որից հետո նրանք կլանվում են հատուկ դատչիկի կողմից: Կախված ներքին օրգանների վիճակից, ձայնային ալիքները, շարժվելով մարմնի հյուսվածքներով, փոփոխվում են (անրադառնում, մարում և այլն): Վերադառնալուց հետո ձայնային ալիքները փոխակերպվում են էլեկտրական ազդանշանների և մշակվում ուլտրաձայնային սարքի – էխոկարդիոգրաֆի միջոցով: Վերամշակումից հետո նրանք երևում են ժամանակակից սարքավորումների էկրանի վրա` երկչափ և եռաչափ տեսապատկերների տեսքով: Շարժվող օբյեկտների ազդեցության տակ ուլտրաձայնային ալիքների հաճախականության փոփոխությունները հնարավոր է դիտել տարբեր գույնի տեսապատկերների տեսքով: Այս դեպքում մեթոդը կոչվում է «Գունավոր դոպլեր հետազոտություն»:
Քանի որ սրտի ուլտրաձայնային հետազոտությունն արտացոլում է ներքին օրգանների կառուցվածքային առանձնահատկությունները, այն հիմնականում ուսումնասիրում է սրտի անատոմիան, սրտի տարբեր հիվանդությունները: Սրտի ուլտրաձայնային հետազոտության միջոցով հնարավոր է նաև ուսումնասիրել ու գնահատել սրտի աշխատանքը կծկման ժամանակ, ինչպես նաև` արյան հոսքի արագությունը անոթներում և սրտի խոռոչներում:
Այս անվնաս մեթոդի լայն հնարավորությունները և բարձր տեղեկատվությունը հնարավորություն է տալիս, առանց հիվանդին ցավ պատճառելու, պարտադիր կերպով կիրառել սրտի տարբեր ախտաբանությունների ուսումնասիրման նպատակով:
Բժիշկը կարող է կատարել սրտի ուլտրաձայնային ախտորոշում հետևյալ դեպքերում.
| ♦ | անհասկանալի ջերմության դեպքում, | ||
| ♦ | սրտում աղմուկի առկայության ժամանակ, | ||
| ♦ | ԷՍԳ-ով հայտնաբերված ախտաբանության դեպքում, | ||
| ♦ | հետինֆարկտային շրջանում, | ||
| ♦ | այն դեպքում, երբ բժիշկը կասկածում է սրտի արատ` անկախ արատի բնույթից, | ||
| ♦ | եթե հիվանդն ունի կրծքավանդակի ցավ, գլխապտույտ կամ արտահայտված հևոց, | ||
| ♦ | ուշագնացությունների ժամանակ, | ||
| ♦ | մշտական գլխապտույտների դեպքում, | ||
| ♦ | եթե ռենտգեն պատկերում առկա են աորտայի հստակ փոփոխություններ – կոնցենտրիկ կալցիֆիկատներ, անևրիզմաներ, | ||
| ♦ | սրտի ռիթմի ցանկացած բնույթի փոփոխությունների դեպքում, | ||
| ♦ | եթե կա սրտի նորագոյացությունների, կրծքային աորտայի լայնացման կասկած (երբ պետք է ճշտել նրա տեղակայումը), | ||
| ♦ | բարձր արյան ճնշման դեպքում, | ||
| ♦ | սրտի և անոթային համակարգի ժառանգական բնույթի լուրջ ախտաբանությունների դեպքում: |
Այս ախտորոշման մեթոդը նպաստում է ուռուցքների և ցանակացած բնույթի փոփոխությունների հայտնաբերմանը: Այն օգտագործվում է կարդիոմիոպաթիաների, իշեմիկ հիվանդության, սրտի բնածին հիվանդությունների, սրտամկանի ինֆարկտի, հիպերտոնիկ հիավանդության հայտնաբերման նպատակով:
Ախտորոշման այս մեթոդն առաջարկվում է կատարել նաև հետևյալ դեպքերում.
Պացիենտի մշտական մարզումների կամ այլ միջոցառումների ընթացքում, որոնք կարող են նպաստել սրտի վրա ծանրաբեռնվածության մեծացմանը, ինչպես նաև այն դեպքերում, երբ պացիենտը գտնվում է հոգեհուզական լարված վիճակում:
Որո՞նք են սրտի ուլտրաձայնային հետազոտության հակացուցումները
Նման ուսումնասիրությունը վնասակար չէ մարդու առողջությանը և չունի հակացուցումներ:
Սրտի խոռոչների նորմալ ախտորոշման իրականացման համար կարող են խոչընդոտ հանդիսանալ կրծքավանդակի տարբեր ձևախաղտումները, ինչպես նաև հետազոտման գոտիում մաշկի բորբոքային և ալերգիկ բնույթի փոփոխությունները:
Tweet